Patay matapos pagbabarilin ang alkalde ng Ronda, Cebu na si Mariano Blanco.
Nangyari ang pamamaril sa mismong tanggapan ng alkalde sa munisipyo pasado ala-1:00 kaninang madaling araw.
Ayon kay SPO 1 Dionisio Tagupa ng Ronda Police, natutulog noon si Blanco nang pagbabarilin ng mga hindi pa nakikilalang salarin na agad tumakas sakay ng puting van.
Si Blanco ay kabilang sa narco-list ni Pangulong Rodrigo Duterte.
Noon lamang Pebrero ay nasawi naman sa pananambang ang pamangkin nitong si Ronda Vice Mayor Jonnah John Ungab na nagsilbi rin bilang abogado ng self-confessed drug lord na si Kerwin Espinosa.
—-
