Patay ang isang taga suporta ng grupong Maute habang sugatan ang apat na sundalo sa bakbakan sa bayan ng Marantao na katabing bayan lamang ng Marawi City.
Sinabi ni Col. Romeo Brawner ng Joint Task Force Ranao na tinarget ng 20 kalaban ang military detachment sa Marantao.
Hinala ng militar na posibleng sinadya ng mga hinihinalang terorista na itaon sa pagbubukas ng klase sa Mindanao State University ang pag atake.
Ayon pa kay Brawner posibleng diversionary tactic lamang din ito ng kalaban para malihis ang atensyon ng tropa ng gobyerno sa main battle ground sa loob ng Marawi.
Narekober ng militar mula sa mga kalaban ang mga bala ng M60 at isang RPG o rocket propel grenade.
By: Judith Larino / Jonathan Andal
SMW: RPE
