Kinumpirma ni Pangulong Ferdinand Marcos Jr. sa kaniyang ikalimang State of the Nation Address, July 27, na nakatakda nang magsampa ng kaso ang Ombudsman laban kay dating House Speaker at Leyte Representative Martin Romualdez kaugnay ng maanomalyang flood control project.
Ayon kay Pangulong Marcos, mabigat para sa kaniya ang naturang hakbang dahil pamilya ang sangkot, gayunman, iginiit niyang walang sinuman ang dapat maging higit sa batas at kailangang pairalin ang pananagutan.
Anya, mayroon nang mga naunang naaresto at naharap sa kaso, kabilang ang mga kontratista, matataas na opisyal ng Department of Public Works and Highways, at ilang mambabatas, bilang bahagi ng kampanya laban sa katiwalian. | Sa panulat ni Reabelle Medina
