Namahagi ng financial assistance ang Manila lgus para sa mga mag-aaral na kabilang sa mga indigent families, sa San Andres Sports Complex.
Ayon kay Asuncion “Re” Fugoso, pinuno ng Manila Social Welfare and Development (MSWD), aabot sa 674 na estudyante ang nabiyayaan ng tig-₱5,000 financial assistance mula sa pamahalaang lokal.
Dahil dito, umabot na sa kabuuang P3,370,000 ang naipamahagi ng Manila lgus mula sa iba’t-ibang distrito ng lungsod, sa ilalim ng kanilang Educational Assistance Program (EAP).
Layunin ng naturang programa na matugunan ang pangangailangan ng mga mag-aaral na nabibilang sa marginalized families sa naturang lungsod.
Kabilang sa mga tumanggap ng ayuda ay ang 388 beneficiaries mula sa District 1 na umabot sa P1,940,000; District 4 na may 150 beneficiaries na nabigyan ng kabuuang P750,000; at District 6 na may 136 beneficiaries na may kabuuang P680,000 na ayuda.
Iginiit naman ng lokal na pamahalaan na tanging ang mga enrolled students mula elementary hanggang grade 11 mula sa indigent families ang maari lamang maging benepisyaryo ng naturang programa.