Nagpalabas ng listahan ang pamahalaang panglungsod ng Maynila ng mga kalyeng maaaring madaanan habang ipinatutupad ang hard lockdown sa unang distrito ng Tondo ngayong weekend.
Lalagyan ng mga checkpoints ang 12 kalye na magsisilbi naman bilang entry at exit points sa bahagi ng Tondo na naka-hard lockdown.
Kabilang sa mga kalyeng ito ang road 10 corner A. Bonifacio; Road 10 Capulong; Road 10 Zaragoza; Barangay 2-0; Recto corners san nicolas; Rizal Avenue corner Dagupan; Moriones corner Juan Luna.
Gayundin ang Tayuman corner Dagupan; Tayuman corner Juan Luna; Juan Luna corner H. Lopez; H Lopez Boulevard kabilang ang nasa kanto ng Velasquez St.
Batay sa ipinalabas na Executive Order number 22 ni Manila City Mayor Isko Moreno, isasara ang Tondo 1 District nakakasakop sa Barangay 1 hangang 146 simula 5:00 a.m. ng umaga ng Mayo 3 hanggang 5:00 a.m. ng umaga ng Mayo 5.
Kasabay naman ng hard lockdown, magsasagawa ng rapid mass testing ang pamahalaang lungsod ng maynila sa distrito.
