Kinilala ng Office of the Ombudsman ang ulat ni Pangulong Ferdinand Marcos Jr. sa kanyang State of the Nation Address (SONA) kaugnay ng isinasagawang imbestigasyon sa mga flood control projects.
Sa pahayag ng tanggapan, nagpasalamat din ito dahil nananatili umanong malaya ang Ombudsman sa pagtupad sa konstitusyonal nitong mandato at sa pagsunod sa ebidensya saan man ito humantong, kabilang na ang mga taong malapit sa Pangulo.
Binigyang-diin ng Office of the Ombudsman na ito ang tamang paraan ng pananagutan sa pamahalaan—walang hinihinging pabor at walang ibinibigay na pabor.
Tiniyak din ng tanggapan na ipagpapatuloy nito ang patas, walang kinikilingan, at walang kinatatakutang imbestigasyon hangga’t ito ay sinusuportahan ng ebidensya at ng batas. | mula sa panulat ni Jenn Patrolla
