Kinumpirma ng Philippine National Police na pangkalahatang mapayapa ang ikalimang SONA o State of the Nation Address ni Pangulong Ferdinand Marcos Junior, kahapon, Hulyo a-bente syete.
Ayon kay PNP Chief General Jose Melencio Nartatez Jr., naging maayos ang seguridad sa kabila ng malawakang kilos-protesta, bunga ng koordinasyon ng mga otoridad at lokal na pamahalaan.
Nagpasalamat ang hepe ng pulisya sa mga grupong nagsagawa ng kilos-protesta dahil sa kanilang maayos at mapayapang demonstrasyon.
Matatandaang mahigit dalawampung libong pulis ang idineploy sa metro manila upang tiyakin ang kaayusan at seguridad sa SONA ng Pangulo sa Batasang Pambansa sa Quezon City. | mula sa panulat ni Jordan Gutierrez
