Ipinaaaresto na ng Sandiganbayan sina USWAG Ilonggo Party-list Rep. James “jojo” Ang Jr. at dating Sultan Kudarat Rep. Arnulfo Go kaugnay sa pagkakasangkot sa mga kontrata ng maanomalyang flood control projects.
Kasabay nito, nagpalabas din ang Anti-Graft Court ng Hold Departure Orders laban sa mga akusado matapos makakita ng probable cause.
Nahaharap si Congressman ang sa labing apat na bilang ng paglabag sa Anti-Graft and Corrupt Practices Act dahil sa pagkakaroon ng interes sa isang construction firm na nakakuha ng mga kontrata sa DPWH na nagkakahalaga ng 214-million pesos habang siya ay nakaupong kongresista.
Samantala, nahaharap naman si dating Congressman Go sa kasong graft at malversation kaugnay ng anomalya sa paggamit ng PDAF o Priority Development Assistance Fund at conflict of interest kaugnay sa infrastructure projects ng pamahalaan. | mula sa panulat ni Jordan Gutierrez
