Tumangging magkomento si Solicitor General Jose Calida sa kasong graft at misconduct na isinampa laban sa kanya ng isang private taxpayer at tagasuporta ng pinatalsik na si Chief Justice Maria Lourdes Sereno.
Sa kanyang inihaing reklamo sa Office of the Ombudsman, hinamon ni Jocelyn Marie Acosta si Calida na isapubliko ang kanyang statement of assets, liabilities and networth o SALN matapos madiskubreng majority owner ito ng isang security agency na nagbibigay ng security services sa apat na ahensya ng pamahalaan.
Binigyang-diin ni Acosta na malinaw na may conflict of interest ang pagpasok ni Calida ng negosyo sa ilang ahensya ng pamahalaan.
