Nakukulangan ang mayorya o 84 percent ng mga Pilipino sa pagtugon ng administrasyon ni Pangulong Ferdinand Marcos Junior sa maanomalyang flood control project.
Batay sa pinakabagong National Momentum Survey na inilabas ngayong araw, July 28, 43-percent ang nagsabing may naging aksyon ang pamahalaan ngunit hindi ito sapat, habang 41-percent ang naniniwalang wala itong ginawa.
Tanging 10.4-percent lamang ang nagsabing sapat ang naging hakbang ng administrasyon, habang 3.9-percent ang hindi tiyak at 1.4-percent ang tumangging sumagot.
Samantala, pinakamatindi ang kritisismo sa Mindanao, kung saan 61-percent ng mga respondent ang nagsabing walang tunay na hakbang ang pamahalaan upang papanagutin ang mga sangkot sa naturang anomalya.
Isinagawa ng Momentum Research ang survey mula July 13 hanggang 16 sa mahigit isanlibo apatnaraang adult respondents sa buong bansa. | mula sa panulat ni Jordan Gutierrez
