May buwelta naman si Senadora Leila De Lima kay Senador Richard Gordon makaraang maliitin nito ang parangal na iginawad sa kaniya sa Amerika.
Sa kaniyang twitter post, sinabi ni De Lima na kaya kinukuwesyon ni Gordon ang natanggap niyang parangal ay dahil sa naiingit lamang ito.
Aniya, wala naman kasing ibinibigay na parangal para sa mga sunud-sunuran lamang o di kaya’y alipores ng Pangulong Rodrigo Duterte tulad ni Gordon.
Una nang kinuwesyon ni Gordon ang pagbibigay ng Global Thinkers of 2016 Award kay De Lima sa harap ng mga kontrobersiyang kinahaharap ng Senadora dito sa Pilipinas.
By: Jaymark Dagala / Cely Bueno