Wala umanong nai-turn over na anumang flood control master plan sa kasalukuyang administrasyon ang nagdaang administrasyong Duterte.
Sinabi ito ng Malakanyang kaugnay ng pahayag ni dating Public Works and Highways Sec. Rogelio Singson na mayroong iniwang flood control master plan ang administrasyon ni dating Pang. Benigno Simeon ‘Noynoy’ Aquino III.
Ayon sa dating kalihim, nakumpleto at naisumite nila ang master plan ng major river basin na dapat ay sinundan pero hindi inaksyunan ng mga sumunod na administrasyon.
Sa press briefing, sinabi ni Palace Press Officer Claire Castro na batay sa pag-uusap nila ni D-P-W-H Sec. Manuel Bonoan ay wala itong natanggap na flood control master plan mula kay dating DPWH Sec. at ngayo’y Sen. Mark Villar.
