Tinanggap na rin ng Malacañang na hindi na maipapasa ang panukalang Bangsamoro Basic Law o BBL sa nalalabing panahon ng panunungkulan ni Pangulong Benigno Aquino III.
Gayunman, iginiit ni Presidential Communications Secretary Herminio Coloma na hindi natitinag ang kanilang determinasyon sa pagtataguyod ng prosesong pangkapayapaan.
Patuloy nilang hihimukin ang lahat ng stakeholders na bigyan ng pagkakataon para malasap ang kapayapaaan.
Magugunitang inihayag mismo ni House Speaker Feliciano Belmonte na patay na ang BBL sa Kamara dahil sa laging problema nito ang pagkakaroon ng quorum.
By Jaymark Dagala
