Halos 600 manok ang namatay dahil sa Newcastle disease sa bayan ng Del Gallego sa Camarines Sur.
Ipinabatid ito ni Municipal Agricultural Officer Willy Buen na tiniyak ang pagtutok nila sa naturang sakit.
Sinabi ni Buen na kailangang sunugin ang namatay na manok para hindi na kumalat pa ang nasabing sakit bukod pa sa namigay na rin aniya ang Department of Agriculture (DA) ng disinfectant.
Hinihinalang nakapasok ang nasabing sakit sa bayan dahil sa mga panabong na manok mula sa mga apektadong lalawigan.
By Judith Larino
