Mahigit 400 katao ang na-stranded dahil sa snowstorm sa Andes Mountains, Argentina.
Ayon kay Hector Tello ng Argentinian Village sa Las Heras, umabot sa negative 10 degrees Celsius o 14 degrees Fahrenheit ang temperatura sa lugar at patuloy pang lumalala.
Aniya, ilan din sa mga kalsada ay hindi na madaanan dahil sa makapal na nyebe.
Samantala, sinabi ni Tello na una nang lumikas ang ilang residente sa mga kalapit na bayan.
Patuloy naman ang rescue operation ng mga otoridad sa mga na-stranded na indibidwal.