Inaresto ng otoridad ang tatlong tinaguriang High Value Target (HVT) matapos ang ikinasang buy bust operation sa lalawigan ng Isabela.
Ayon kay Police Major Fernando Malilin ng Cordon Police Station, kinilala ang tatlong suspek na sina Jestoni Guttierez, 30 anyos, Juanito Aggabao, 33 anyos at Evelyn Dela Cruz, 47 anyos.
Nasamsam mula sa mga suspek ang 50 gramo ng hinihinalang shabu na tinatayang nagkakahalagang mahigit P340,000 piso, drug paraphernalya, cellphones maging ang isang trailer truck na ginamit sa iligal na transaksyon.
Nahaharap sa kasong paglabag sa R.A. 9165 o Comprehensive Dangerous Drug Act of 2002 ang tatlong high value target.—sa panulat ni Airiam Sancho
