Nakakulong na sa PNP Custodial Center sa Camp Crame ang magkapatid na Ozamiz City Vice Mayor Nova Princess Parohinog-Echavez at Reynaldo, Jr.
Magugunitang inilipad pa Maynila ang magkapatid na Parohinog matapos maarestyo sa isinagawang raid nuong linggo ng CIDG at Ozamiz PNP kung saan napatay ang ama ng mga itong si Ozamiz City Mayor Reynaldo Parohinog, Sr., may bahay nitong si Susan at kapatid na si Octavio Parohinog.
Umalma naman ang abogado ng pamilya Parohinog na si Atty. Lawrence Carin sa pagdadala sa Metro Manila ng kaniyang mga kliyente na dapat aniyang sumalang sa paglilitis sa Ozamiz dahil dito nangyari ang insidente.
Wala naman aniyang utos ang korte na ilipat pa Metro Manila ang magkapatid na Parohinog.
Dahil dito ipinabatid ni Carin na maghahain siya ng mosyon para maibalik sa Ozamiz City ang magkapatid na Parohinog at makadalo rin ang mga ito sa lamay ng kanilang magulang.
