Muling sumiklab ang bakbakan sa pagitan ng mga magkakalabang miyembro ng Moro Islamic Liberation Front o MILF sa North Cotabato.
Ayon kay Chief Inspector Sindatu Karim, hepe ng Pikit Police, sinalakay ng pamilya ni Bhuto Mantol ang Barangay Talitay na lugar nina MILF Leaders Mokamad Andoy at Ricky Husain na humantong sa engkuwentro.
Wala naman umanong nasawi sa naturang bakbakan na nag-ugat sa awayan sa lupa at alitan sa pamilya.
Matatandaang dahil sa gulo na unang sumiklab kahapon ay nagsilikas ang mga residente sa mga apektadong lugar.
Sinasabing isa umano sa mga tauhan ni Andoy ang nakapatay sa kapatid ni Mantol sa Barangay Kayaga, bayan ng Kabacan dahilan upang gumanti ang paksiyon nito.
By Jelbert Perdez
