Nagulantang ang mga tao sa isang pamilihan sa Cebu City.
Nang-hostage kasi ang isang lalaki sa mag-ina na natutulog sa kanilang pwesto.
Ayon sa ulat, natutulog ang mag-inang biktima nang bigla na lang silang tutukan ng patalim ng suspek na mayroon umanong problema sa pag-iisip.
Agad namang rumesponde ang mga pulis at swat team na gumawa ng paraan upang pakalmahin ang suspek.
Sa halip na sumuko, nagwala pa ang suspek at nagtangka na saksakin ang anak ng babae.
Nabaril naman ang suspek na tinamaan sa balikat at nasagip ng matiwsay ang mag-ina sa nang-hostage na lalaki.—sa panulat ni Rex Espiritu