Pinaalalahanan ng pamunuan ng LRT line 1 ang publiko hinggil sa kanilang pamaskong pakulo na magtatagal hanggang sa Huwebes, Dec. 8.
Ayon kay Rochelle Gamboa, pinuno ng corporate communications ng LRMC, beep card na mayroong laman sa limang libong piso ang maaring mapanalunan ng mga masuwerteng mananakay.
Para makalahok, kailangan lamang mag selfie sa christmas train at i-upload ito sa Facebook, Instagram at Twitter gamit ang hashtag na paskuhan sa LRT line 1.
Sinabi ni Gamboa na dalawang mananakay kada Linggo ang maaaring makapag-uwi ng naturang beep card.
By Katrina Valle
