Pabor ang Lawyers for Commuters Safety and Protection (LCSP) sa suspensyon ng e-vehicle ban sa mga national road.
Ayon kay LCSP president Atty. Ariel Inton, dapat munang repasuhin ang nilalaman ng RA 11697 o ang “Electric Vehicle Industry Development Act” o EVIDA-IRR upang mas maging malinaw ang panuntunan sa tamang paggamit ng e-vehicles sa mga lansangan.
Binigyang-diin ni Atty. Inton na dapat ding matukoy kung sino ang dapat na magbigay ng prangkisa sa mga e-tric, bago ipatupad ang e-vehicle ban sa mga pangunahing kalsada.
Dagdag pa ng LCSP president, dapat magkaroon ng maayos na ugnayan ang mga kinauukulang ahensya ng pamahalaan upang mapagtibay ang implementing rules and regulations para sa mga e-vehicle.
