Magkasanib na pwersang tutuldukan ng Philippine Drug Enforcement Agency (PDEA) at ng grab Philippines ang nauusong online door-to-door drug trafficking.
Sa nilagdaang Memorandum Of Agreement ng PDEA at grab, mahigpit na makikipagtulungan ang ride hailing app sa ahensya para mawakasan ang pagtutulak ng droga gamit ang transport at delivery services.
Ayon kay PDEA Director General Wilkins Villanueva, nagagawang makalusot ngayon ang ilang mga transaksyon ng iligal na droga sa pamamagitan ng ride hailing app company dahil hindi gaanong nabubusisi ang kanilang operasyon.
Ngunit dahil dito tiniyak ng grab ang kanilang kooperasyon para mapigilan ang paglaganap ng droga na idinadaan sa delivery services.
