Nananawagan si Malaysian Prime Minister Mahathir Mohamad na magbitiw na sa pwesto si Hong Kong lider Carrie Lam.
Ito ay matapos magsagawa ng malawakang pagkilos protesta ng mga Hong Kong nationals bilang pagtutol sa extradition bill ng kanilang pamahalaan.
Ayon kay Mohamad, dapat ikonsidera ni Lam ang kalagayan ng bansa at tanungin nito ang kaniyang konsensiya.
Magugunitang sa kabila ng pagbasura sa kontrobersyal na extradition bill ay hindi pa rin humihinto ang mga nagpoprotesta at sa mga panawagan nitong pagbibitiw ni Lam.