Malaki ang naitulong ng halamang gamot na “Lagundi” sa pagpapabilis ng paggaling ng ilang kaso ng COVID-19 mula sa mild symptoms.
Batay ito sa isinagawang local trials ng Department of Science and Technology.
Ayon kay Science and Technology Secretary Fortunato Dela Peña, 278 pasyente mula sa sari-saring quarantine facilities ang lumahok sa clinical trial.
Kalahati sa kanila ang pinagamit ng Lagundi habang ang nalalabi ay hindi.
Lahat anya ng mga pasyente ay gumaling pero mas mabilis na nawala ang mga sintomas ng mga nag-lagundi at kapwa umabot ng 7 hanggang 8 araw ang recovery at walang naging adverse effect. —sa panulat ni Drew Nacino
