Nagkakatugma-tugma ang mga detalyeng isinawalat ng ilang testigo laban kay Senador Leila de Lima kaugnay sa isyu ng umano’y illegal drugs trade sa New Bilibid Prisons.
Binigyang diin ito sa DWIZ ni Senador Panfilo Lacson partikular aniya ang paglalarawan nina NBI Deputy Director General Rafael Ragos at NBI Intelligence Officer Jovencio Ablen, Jr. sa bahay umano ni De LIMA kung saan inihatid ang sinasabing drug money.
Sinabi ni Lacson na bago pa man humarap sa house hearing ang mga testigo ay napadalhan na siya ng kopya ng affidavit lalo na nung dalawang taga-NBI at nakumbinsi siyang may basehan para kasuhan na si De Lima.
Bahagi ng pahayag ni Senator Panfilo ‘Ping’ Lacson
By Judith Larino | Karambola
