Iuuwi na sa Leyte bukas, November 5 ang labi ng nasawing umano’y middleman sa pagpatay sa brodkaster na si Percy Lapid.
Ito ay si Jun Globa Villamor, bilanggo sa New Bilibid Prison sa Muntinlupa City na namatay noong October 18, ilang oras matapos iharap sa media ang gunman na si Joel Escorial.
Sa autopsy report, inihayag ni forensic pathologist Dr. Raquel B. Del Rosario-Fortun na base sa kaniyang pagsusuri ay homicide ang ikinamatay ni Villamor.
Habang lumabas din sa pagsusuri na natakot muna sa buhay nito si Villamor bago masawi o maaaring na-suffocate dahil sa plastic bag na inilagay sa kaniyang ulo.
