Asahan na ang mabigat na daloy ng trapiko sa bahagi ng Elliptical Road sa Quezon City dahil sa sisimulang konstruksyon ng Metro Rail Transit Line 7 sa Huwebes Santo.
Ayon kay MMDA Spokesperson Celine Pialago, isasara sa naturang araw ang tatlong lanes ng Elliptical Road.
Kaninang alas-10:00 ng umaga, sinimulan nang lagyan ng orange barriers ang bawat gilid ng Maharlika patungong Commonwealth Avenue bilang preparasyon sa MRT 7 construction.
Samantala, pinaalalahanan naman ng MMDA ang mga motorista na suspendido ang number coding scheme simula bukas, Miyerkules Santo hanggang Lunes, April 2.
—-
