Seryosohan na nga ang relasyon ng American pop star singer na si Katy Perry sa British actor na si Orlando Bloom.
Ayon sa E! News kumpirmadong may namamagitan na kay Perry at Bloom nagsimulang maiugnay ang dalawa sa kasagsagan ng Golden Globes Party noong nakaraang Enero at simula noon ay sunod-sunod na namataan na magkasama ang dalawa.
Sa katunayan ay kailan lamang ay nagbakasyon nang sabay ang dalawa sa Hawaii.
Ayon pa sa ilang source nagustuhan ng singer ang pagiging mabuti at down to earth ng actor.
Close na close din umano si Katy sa limang taong gulang na anak ni Bloom sa dati niyang asawa na isang Australian model.
By Jenny Valencia
