Patay ang isang bagong halal na barangay kagawad sa Talisay City sa Cebu matapos na tambangan ng riding-in-tandem.
Nakilala ang biktima na si Dinnes Ramos, nanalong kagawad ng barangay Bulacao sa bayan ng San Fernando.
Ayon kay PO2 Erwin Oyao ng San Fernando Police Station, nakatayo lamang si Ramos sa tabi ng kanyang nakaparadang sasakyan sa labas ng isang hardware store nang siya ay pagbabarilin ng di pa nakikilalang salarin.
Naisugod pa sa ospital si Ramos ngunit binawian din ito ng buhay.
Sa ngayon, inaalam pa ng mga awtoridad ang motibo at pagkakakilanlan ng mga suspek.
—-
