Bukas si Ginang Patricia Paz Bautista na sumailalim sa WPP o Witness Protection Program makaraang ibunyag nito ang halos isang bilyong pisong tagong yaman umano ng kanyang asawang si COMELEC o Commission on Elections Chairman Andres Bautista.
Ito’y ayon kay Atty. Martin Loon, abogado ni Ginang Bautista makaraang ihayag ni DOJ o Department of Justice Secretary Vitaliano Aguirre na posibleng bigyan ng provisional security ang ginang sakaling hingin nito.
Kasunod nito, aminado si Atty. Loon na nangangamba sila sa kaligtasan ng kanilang kliyente lalo’t napakaselan at napaka-sensitibong impormasyon ang hawak nito.
Gayunman, tumanggi na ang abogado magkomento sa usapin kung may natatanggap bang banta sa buhay ang kanyang kliyente o wala.
By Jaymark Dagala
