Pinasok at pinagbabaril ng armadong grupo ang apat katao sa loob mismo ng kanilang tahanan sa Barangay Old Balara, Quezon City.
Dead on the spot ang tatlo sa mga biktima samantalang nasawi habang dinadala sa ospital ang isa pa.
Kinilala lamang ng pulisya ang mga biktima sa pangalang Joey, Badboy, Jennifer at Luloy.
Blangko pa ang Quezon City Philippine National Police (PNP) sa motibo ng pagpatay subalit ayon sa ilang barangay officials, kilalang sangkot sa illegal drugs ang mga biktima.
Sumuko na ‘di umano ang mga ito sa Oplan Tokhang ng PNP subalit bigong mag-report ng regular sa barangay.
