Nakahanda ang Kamara na tugunan at isabatas ang mga inilatag ni Pangulong Ferdinand Marcos Jr. sa kanyang ikalimang State of the Nation Address o SONA 2026.
Ayon kay House Speaker Faustino Dy III, bibigyang-prayoridad ng Kamara ang mga panukalang magpapagaan sa pasanin ng mga Pilipino, kabilang ang pagpapalawak ng income tax exemption para sa mga manggagawang kumikita ng hanggang tatlong daan at limampung libong piso kada taon, pagbaba ng income tax para sa iba pang empleyado, tax exemption para sa maliliit na negosyo, at tax amnesty para sa ilang hindi nabayarang buwis gaya ng donor’s tax, value added tax, at iba pang multa.
Suportado rin ng Kamara ang mga hakbang upang mapababa ang singil sa kuryente, gaya ng pagpasa ng Sariling Kuryente Act para sa mas abot-kayang rooftop solar systems at mga amyenda sa EPIRA Law upang alisin ang paniningil ng systems loss at kaukulang VAT sa mga konsyumer.
Bukod pa dito, ipaprayoridad rin na maisama sa tax exemption ang mga manggagawang kumikita hanggang P350,000 kada taon.
Binigyang-diin ni Speaker Dy na buo ang suporta ng Kamara sa ehekutibo upang maisabatas ang mga repormang magpapagaan sa gastusin ng ating mga kababayan, magpapalakas sa ekonomiya ng bansa, at magpapabuti sa kalidad ng buhay ng bawat Pilipino. | mula sa panulat ni Geli Mendez
