Humirit si Pork Barrel Queen Janet Lim Napoles na mailipat sa kustodiya ng Department of Justice.
Sa isinampang mosyon ni Napoles sa korte, tinukoy nitong nasa ilalim na siya ng witness protection program noon pang Pebrero 27.
Dahil dito, hiling ni Napoles na mailipat siya sa kustodiya ng DOJ – witness protection program mula sa kanyang pagkakapiit sa Camp Bagong Diwa sa Bicutan, Taguig.
Sa ilalim ng Republic Act 6981 o ang Witness Protection, Security and Benefit Act, dapat bigyang seguridad si Napoles habang siya ay tumetestigo sa kaso.
Maari rin siyang ilagay sa WPP Safe House habang hindi humuhupa ang ano mang harrassment at pagbabanta sa kanya.
Siniguro naman ni Napoles na dadalo pa rin siya sa mga pagdinig ng sandiganbayan kaugnay sa pork barrel fund scam.
