Wala pa ring nakasusungkit ng jackpot prize ng grandlotto 6/55.
Ito ay matapos walang nakahula sa six-winning combination ng lotto game na 17 – 24 – 36 – 15 – 34 – 18 na binola Miyekules ng gabi.
Dahil dito, mula sa P165 million ay magiging P177 million na ang premyo sa 6/55 na bobolahin bukas.
Mayroon namang dalawampu’t tatlong mananaya ang nanalo ng tig-isandaang libong piso na second prize para sa nahulaang tig-limang tamang numero.
Maliban sa grandlotto 6/55, inaasahang tataas din ang jackpot prize ng megalotto 6/45 sa P43.5 million at ultralotto 6/58 sa P72 million na bobolahin ngayong araw.
