Tinamabangan ng isang gunman ang isang miyembro ng National Prosecution Services sa Elysian Field Subdivision, Brgy Cabuco, Cavite.
Sa inisyal na ulat ng PNP sa Trece Martires Cavite, kaninang bandang 7:38 ng umaga habang nakatayo sa harap ng kanyang tahanan si Assistant City Prosecutor Edilberto Mendoza, 48 anyos ay nilapitan ito ng nag-iisang suspek at binaril sa ulo na naging sanhi ng agaran nitong kamatayan.
Matapos umano ang pamamaril ng suspek ay casual lamang itong naglakad papalayo sa nakahandusay na biktima.
Samantala, patuloy ang isinasagawang manhunt operation ng PNP laban sa gunman kung saan nagsagawa na rin ng drug net operation ang Cavite PNP para sa pagkakaaresto ng di pa nakikilalang suspek. —sa ulat ni Bert Mozo (Patrol 3), sa panulat ni Airiam Sancho
