Patay sa engkwentro ang isang hinihinalang miyembro ng NPA o New People’s Army (NPA) sa Sta. Cruz, Occidental Mindoro.
Ayon kay Major Gil Perez ng Southern Luzon Command, nagkasagupa ang 76th Infantry Batallion ng Philippine Army at hindi bababa sa 20 miyembro ng NPA sa Barangay Pinagturilan sa bayan ng Sta. Cruz alas-2:00 ng hapon kahapon.
Tumagal ng dalawang oras ang nasabing bakbakan na ikinasawi ng isang miyembro ng NPA.
Itinurn-over na sa Sta. Cruz Police Station ang bangkay ng naturang rebelde.
By Meann Tanbio
