Patuloy pa rin ang isinasagawang search and rescue operation ng Philippine Coast Guard o PCG sa sampung tripulante ng MV Emerald Star na lumubog sa karagatan ng Santa Ana, Cagayan noong nakaraang Biyernes.
Ayon kay PCG Spokesperson Commander Armand Balilo, 16 sa mga sakay ng naturang Hong Kong vessel ang nailigtas habang sampu pa kabilang ang kapitan ng barko ang pinaghahanap pa rin hanggang sa ngayon.
Dagdag pa ni Balilo, nahihirapan ang PCG sa paghahanap ng mga nawawalang dayuhan dahil sa malakas na alon sa lugar.
Biyaheng Hong Kong patungong Malaysia ang naturang barko nang lumubog dahil sa masamang panahon dulot ng bagyong Odette.
—-