Inamin ni Commission on Elections o COMELEC Chairman Andres Bautista na mayroong demolition job laban sa kanya.
Ito ang inihayag ni Bautista sa gitna ng alegasyon ng kanyang asawang si Patricia Paz-Bautista na mayroon umano siyang ill-gotten wealth na nagkakahalaga ng Isang Bilyong Piso.
Ayon sa poll body chief, nabahiran na ng pulitika ang personal na away nilang mag-asawa na maaaring maging mitsa upang kuwestyunin ang kredibilidad ng 2016 national elections.
Gayunman, ang mas masakit anya ay ang pagdurusang pinagdaraanan ng kanilang anak na hindi na pumapasok sa eskuwela dahil sa pam-bu-bully.
Umaasa naman si Bautista na magiging patas ang publiko sa kanya at mapanuri sa posibleng mga rason sa iskandalong nag-uugnay sa pulitika, pera at pamilya.
By Drew Nacino
