Tiniyak ni incoming PNP Chief Ronald Dela Rosa na gagawin niya ang lahat, maging ang iligal para lamang matanggal sa kanilang hanay ang mga pulis iskalawag.
Iginiit pa ni Dela Rosa kapag hindi niya nagawa ang mga prayoridad ni incoming President Rodrigo Duterte lalo na ang pagsugpo ng illegal drugs sa loob ng anim na buwan, siya na mismo ang magbibitiw sa kanyang pwesto.
Hindi aniya siya kagaya ng ibang mga heneral na pilit sinisiksik ang sarili para manatili sa pwesto.
Sagot naman dito ni PNP Spokesman Chief Supt. Wilben Mayor, posibleng dala lamang ng bugso ng damdamin at sadyang desidido si Dela Rosa na masugpo ang krimen at iligal na droga kaya nito nasabi na handa siyang gumawa ng iligal para malinis ang hanay ng pulisya lalo pa’t may deadline na ibinigay sa kanya si Duterte.
By: Meann Tanbio
