Siniguro ng Malakanyang na hindi makaaapekto sa Southeast Asian (SEA) Games ang gagawing imbestigasyon ng Office of the President (OP) sa Philippine Southeast Asian Games Organizing Committee (PHISGOC).
Ayon kay Presidential Spokesman Salvador Panelo, magiging tahimik o discrete lamang ang imbestigasyon na gagawin ng OP sa pagbusisi kung may anomalya o iregularidad ang PHISGOC.
Tiniyak ni Panelo na mananagot ang sinuman kapag napatunayan na may nangyaring korupsiyon kaya naging kaliwa’t kanan ang abeyra na naranasan sa SEA Games.
