Binaha dahil sa nararanasang mga pag-ulan ang ilang lugar sa Lemery, Batangas.
Ayon sa Lokal na Pamahalaan ng Lemery, nagkaroon ng malakas na daloy ng tubig patungong Bypass Road dahilan para maraming mga sasakyan na patungo sana sa direksyon ng Bayan ng Calaca ang hindi makadaan.
Sa pahayag ng Municipal Disaster Risk Reduction and Management Office (MDRRMO) ng Lemery, kabilang sa mga apektado ang mga Barangay ng Ayao-Iyao, Palanas, at Malinis kung saan, tumagal nang ilang oras ang baha bago ito humupa.
Sa ngayon, nagsasagawa na ng clearing operations ang mga tauhan ng MDRRMO sa bahagi ng Diversion Road makaraang anurin ang ilang mga bao ng niyog, kawayan at mga putik sa kalsada.
