Ipinagmalaki ni Pangulong Ferdinand Marcos Jr. na nagbubunga na ang mga kasunduang nilagdaan niya sa kanyang mga biyahe sa ibayong dagat.
Ito ang sinabi ng Presidente makaraang makipagpulong sa mga opisyal ng Department of Trade and Industry (DTI) at Office of the Presidential Assistant on Investment and Economic Affairs.
Hinihimay na aniya ang mga detalye ng lahat ng Memorandum of Agreements at Letters of Intent na pinirmahan sa iba’t ibang bansa kung saan tinukoy na may resulta na ang mga kasunduan sa Indonesia at Singapore.
Posibleng masimulan na rin aniya sa mga susunod na ilang linggo ang inagurasyon ng mga hindi binanggit na proyekto.
Kasabay nito, binanggit naman ni DTI Sec. Alfredo Pascual sa Pangulo na mahigit isang daang proyekto na nagkakahalaga ng P3.48 trilyon ang nalikom mula mga biyahe nito sa labas ng bansa.