Binigyan ng mga kinakailangang kagamitan ng DOJ o Department of Justice ang kanilang mga piskal na naapektuhan ng gulo sa Marawi City.
Kasabay ito ng pagpapasalamat ng ahensya dahil sa ligtas na kalagayan ng mga ito na pansamantalang humihimpil ngayon sa Iligan City.
Ayon kay Justice Undersecretary Ericson Balmes, ilan sa mga ipinadala nilang gamit ay ang mga photocopiers, printers, desktop computers at ilang office equipments.
Nagpasalamat din si Justice Secretary Vitaliano Aguirre kay Defense Secretary at Martial LAW Administrator Delfin Lorenzana sa ginawa nitong pag-ayuda upang mailipad ang mga nasabing gamit patungong Iligan City.
By: Jaymark Dagala / Bert Mozo
