Natagpuan ng mga otoridad ang isang IED o improvised explosive device malapit sa isang sari-sari store sa M’lang, North Cotabato.
Ayon kay SUPT. BERNARD TAYONG ng North Cotabato Provincial Police Office, nakatanggap sila ng tawag hinggil sa isang kahina-hinalang bag na iniwan malapit sa tindahan sa bahagi ng Magsaysay Avenue.
Agad na kinordonahan ng mga rumespondeng pulis ang lugar matapos makita ang IED sa loob ng inabandonang bag.
Na-detonate naman ng North Cotabato PNP ang nakitang IED sa pamamagitan ng water disruptor.
Ayon sa isang bomb expert, totoong bomba ang natagpuan pero kulang aniya ito ng isang kable na magdudugtong naman sa trigerring device.
Samantala, naniniwala naman si M’lang Mayor Russel Abonado na inilagay ang bomba sa lugar para lamang manakot at sirain ang kapayapaan sa kanilang bayan.
