Pinarangalan ng Manila International Airport Authority (MIAA) ang airport wheelchair attendant na si Valiente Namion na nagsauli ng nadampot na pouch na may lamang pera sa isang pasahero.
Aminado si Namion na nangangailangan din siya noong panahon na iyon.
Sinabi nito na bagamat namamaga ang mata ng kanyang anak at kailangan ipa-ospital ay hindi sumagi sa isip niyang itago ang nakuhang pouch na may lamang salapi.
Maliban sa naturang insidente, napag-alaman na dalawang beses nang nakadampot ng alahas at pouch na may pera si Namion, subalit isinauli niya pareho.
Bahagi ng pahayag ni Ginoong Valiente Namion
Hindi rin nakaramdam ng pagsisisi si Ginang Gina Namion, ang asawa ni Valiente, isang wheelchair attendant na nagsauli ng nadampot na pouch na may pera.
Sinabi ni Ginang Namion na masaya siya at ginawa ng kanyang mister ang tama, at isinauli ang hindi naman kanila.
Bagamat nangangailangan, kumpyansa naman si Ginang Namion na matutugunan ang kanilang problema dahil may trabaho naman ang kanyang asawa.
Bahagi ng pahayag ni Ginang Gina Namion
By Katrina Valle | Raoul Esperas (Patrol 45)