Tinuluyan na ng kampo ni suspended Congressman Arnulfo Teves Jr. ang DOJ.
Kasunod na rin ito nang isinampa ng kampo ni Congressman Teves na motion to inhibit laban sa DOJ prosecutors sa preliminary investigation sa kongresista kaugnay sa pagpaslang kay Negros Oriental Governor Roel Degamo.
Iginiit ng kampo ni Congressman Teves na ang DOJ ay hindi patas at nalabag ang karapatan ng mambabatas sa due process dahil sa mga pahayag ni Justice Secretary Jesus Crispin Remulla laban dito.
Binigyang diin pa ng mga abogado ni Congressman Teves na nakikita nilang walang prosecutor sa ilalim ng DOJ ang makatuwirang makapagpapasya sa nasabing kaso partikular ang preliminary investigation dahil ang anila’y boss ng mga ito na si Secretary Remulla ay kumbinsidong si Congressman Teves ang mastermind sa pagpaslang kay Governor Degamo bago pa isampa ang kaso.
Malinaw anilang naging unfair si Secretary Remulla sa kaso ni Congressman Teves dahil sa bukas na pagpapakita nito ng simpatiya sa pamilya Degamo partikular kay Pamplona Mayor Janice Degamo, may bahay ni Governor Roel Degamo.