Tuloy ang mga aktibidad ng Quiapo church ngayong Semana Santa sa kabila ng umiiral na enhanced community quarantine sa buong Luzon.
Gayunman, sinabi ng pamunuan ng Quiapo church, kanilang isasagawa ang mga ito online at ipalalabas din sa telebisyon na maaaring sabayan ng mga mananampalataya.
Ngayong Lunes Santo, Abril 6, nagsimula na ang pabasa ng Pasiong Mahal ng Quiapo Church na ipinalabas sa kanilang official Facebook page.
Sa kanilang ipinalabas ding schedule, tatlong set ng pabasa ang isasagawa, una ay alas siyete hanggang alas onse ng gabi, sunod ay alas onse ng gabi hanggang alas tres ng madaling araw, kinabukasan at ang pangatlo ay alas tres ng madaling araw hanggang alas siyete ng gabi.
