Inihayag ng Eastern Police District (EPD) na naging maayos at tahimik ang mga sementeryong sakop nito sa nagdaang tatlong araw bago magsimula ang Undas.
Ayon kay Police Gen. Matthew Baccay, naipatupad ng maayos ang health at safety protocols sa mga sementeryo ng lokal na pamahalaan ng Marikina, Pasig, Mandaluyong, San Juan at iba pang sakop ng EPD.
Tiniyak naman ni Baccay na maglalagay pa rin sila ng mga pulis sa mga naturang sementeryo habang sarado ito sa publiko simula ngayon Oktubre 29 hanggang Nobyembre 2.—mula sa ulat ni Airiam Sancho
