Pormal nang uupo sa kanyang posisyon bilang Presidential Spokesman si Atty. Harry Roque ngayong Lunes, Nobyembre 6.
3:00 ng hapon, manunumpa sa harap ni Pangulong Rodrigo Duterte si Roque kasama ang apat na iba pang hindi pa pinapangalanang bagong presidential appointee.
Pagkatapos nito, ayon kay Roque ay mayroon siyang i-aanunsyong malalaking inisyatibo ng Pangulong Duterte kaugnay sa rehabilitasyon sa Marawi City.
Paliwanag ni Roque, mayroon aniyang itatalaga si Pangulong Duterte na isang tao at aatasan ang kanyang gabinete na makipag-ugnayan dito para sa muling pagbangon ng lungsod.
