Umakyat na sa halos 17 milyong piso ang halaga ng pinsala sa sektor ng agrikultura matapos ang pagputok ng bulkang Bulusan sa Sorsogon.
Ayon sa Disaster Risk Reduction and Management Office (DRRMO) ng Department of Agriculture (DA), mas lumubo pa ang pinsalang naitala sa nabanggit na lugar kung saan, nasa 470 mga magsasaka at mangingisda ang apektado.
Nasa halos 700 metrikong tonelada naman ng produksiyon o 389 hectares ng agricultural land ang nasayang matapos ang pagbuga ng abo ng Mount Bulusan.
